Hinggil sa pagpasa ng Charter change Con-con bill sa Kamara

Muli, inuna na naman ng Kamara ang makasariling Charter change ni Marcos. Walang benepisyo, bagkus ay pabigat lang, ang dulot nito sa mamamayan. Gustong gusto ng mga pulitiko ang term extension at pagbenta ng ating ekonomiya sa mga dayuhan. Pagpapalala ito sa krisis ng bansa. Dapat na iprotesta ito ng mamamayan.

Imposibleng walang alam si Marcos Jr sa mga galawang ito dahil puro alyado nya sa Kamara ang nagtutulak ng Cha-cha.

Baon na nga sa P13.7 trillion utang ang bansa, magwawaldas pa ang gobyerno ng bilyon bilyon para sa Cha-cha.

Panawagan sa Senado, huwag magpagamit sa maitim na balakin na ito. Panawagan sa mamamayan, tutulan ang term extension at pagbenta ng lokal na ekonomiya sa mga dayuhan!